Inzego z’umutekano muri Somaliya zatangaje ko ku Cyumweru tariki 05 Ukwakira 2025 ,zishe abarwanyi 7 b’umutwe w’iterabwoba wa Al shabab ubwo bagabaga igitero kuri gereza  ya Godka Jilacow iri mu mujyi wa Mogadishu.

Guverinoma ya Somaliya yatangaje ko abo barwanyi uko ari 7 binjiye muri gereza ku wa Gatandatu Nimugoroba,  bigize abasirikare ba Leta ariko bagamije kubohora bagenzi babo bo mu mutwe wa Al shabab bafungiwe muri iyo gereza, aho bayifashe mu gihe cy’amasaha atandatu.

Nyuma yo kurwana bikomeye, inzego z’umutekano za Somaliya zatangaje ko zishe abo barwanyi bose bari bagabye icyo gitero.